اسلام آباد:پاکستان تحریک انصاف کے رہنماء اور سینیٹر فیصل جاوید نے جنسی جرائم کے مجرموں کو سر عام پھانسی دینے کا مطالبہ کردیا۔

حکمراں جماعت تحریک انصاف کے رہنماء اور سینیٹر سینیٹر فیصل جاوید نے سماجی رابطے کی ویب سائٹ ٹوئٹر پر جاری کردہ بیان میں کہا کہ ایک بار پھر زور دیتے ہیں کہ بچوں سے زیادتی کرنے والوں کو سرعام پھانسی دینے پر اتفاق رائے پیدا کرنا ناگزیر ہے، بچوں اور خواتین کے ساتھ زیادتی کرنے والے انسان نہیں ،وحشی درندے ہیں، ان درندوں کو نشان عبرت بنانا چاہیئے۔

ایک بار پھر زور دیتے ہیں کہ بچوں سےزیادتی کرنے والوں کو سرعام پھانسی دینے پر اتفاق رائے پیدا کرنا ناگزیر ہے ۔بچوں اور خواتین کیساتھ زیادتی کرنے والے انسان نہیں-وحشی درندے ہیں-ان درندوں کو نشان عبرت بنانا چاہیے- قانون سازی کے ساتھ ساتھ عمل درآمد، استغاثہ اورسزائیں بہت ضروری ہیں

— Faisal Javed Khan (@FaisalJavedKhan) August 3, 2021

فصلے جاوید کا مزیدکہنا تھا کہ زیادتی کرنے والے مجرموں کو سرعام پھانسی دینے کیلئے قانون سازی کے ساتھ ساتھ اس قانون پر عمل درآمد، استغاثہ اورسزائیں بہت ضروری ہیں۔