پاکستان پیپلز پارٹی کے چئیرمین بلاول زرداری کی امریکا پہنچنے کے بعد ائیرپورٹ لی گئی تصویر سوشل میڈیا پر وائرل ہوئی تو اس پر تحریک انصاف کے رہنما شہباز گل کی جانب سے طنزیہ ردعمل بھی سامنے آیا۔

شہباز گل نے ٹوئٹر پر جاری اپنے پیغام میں کہا کہ 'یہ ہیں صاحب جو یہاں پر ولی عہد بن کر گھومتے ہیں۔ ان کے ٹھاٹ بھاٹ دیکھنے والے ہوتے ہیں۔ لیکن نوکری کی تلاش میں کیسے امریکہ میں دربدر ہو رہے ہیں۔ کبھی اس بینچ پر اور کبھی اس نکر میں۔ جب سی وی پر صرف ایک پرچی ہو تو یہ تو ہوتا ہے۔'

دوسری جانب وفاقی وزیر اطلاعات و نشریات فواد چوہدری نے بھی اپوزیشن جماعتوں کی آزاد کشمیر میں جاری انتخابی مہم پر تنقید کرتے ہوئے کہا ہے کہ بلاول بھٹو زرداری میدان سے بھاگ گئے ہیں اور بہت جلد مریم نواز بھی راہ فرار اختیار کریں گی۔