لاہور میں کورونا وائرس کے بڑھتے کیسز کے باعث ضلعی حکومت نے پابندیاں مزید سخت کردیں،کمشنر لاہور نے ہفتہ اور اتوار کو شہر میں مکمل لاک ڈاؤن کا اعلان کردیا۔

پنجاب میں کورونا کے سب سے زیادہ متاثر ہونے والے شہر لاہور میں سنگین صورتحال کے پیش نظر ضلعی حکومت نے مزید سختیوں کا فیصلہ کرلیا۔

لاہور میں ہفتہ اور اتوار کو تمام کاروباری سرگرمیاں معطل رہیں گی،میڈیکل اسٹورز، پیٹرول پمپس، ویکسی نیشن سنٹرز، دودھ دہی، گوشت اور سبزی کی دکانیں کھلی رہیں گے ،گراسری، کریانہ اسٹورز اور بیکریز بند رہیں گے،ہفتے اور اتوار کو بین الصوبائی ٹرانسپورٹ پر بھی مکمل پابندی ہوگی۔

کمشنر لاہور کیپٹن (ر)عثمان نے شہریوں کو ہدایت کی ہے کہ وہ آج اشیائے ضروریہ کی خریداری مکمل کرلیں۔