اسلام آباد:تحریک انصاف کے رکن قومی اسمبلی فرخ حبیب کو وزیر مملکت برائے اطلاعات و نشریات مقرر کر دیا گیا، فرخ حبیب کل اپنے عہدے کا حلف اٹھائیں گے ۔

وفاقی کابینہ میں ایک اور وزیر کی انٹری ہوگئی، فرخ حبیب کو وزیر مملکت برائے اطلاعات و نشریات لگا دیا گیا ۔

نوٹیفکیشن جاری ہونے پر فرخ حبیب کل اپنے عہدے کا حلف اٹھائیں گےاور حلف برداری کی تقریب ایوان صدر میں ہو گی جہاں صدر ڈاکٹر عارف علوی حلف لیں گے ۔

وفاقی وزیر اطلاعات ونشریات فواد چوہدری نے سماجی رابطے کی ویب سائٹ ٹوئٹر پر اپنے ٹویٹ میں فرخ حبیب کو وزیرمملکت برائے اطلاعات بننے پر مبارکباد پیش کرتے ہوئے کہا کہ فرخ حبیب اس تعیناتی کے مستحق تھے، وہ اپنے عہدے کا حلف کل اٹھائیں گے۔

Congratulations to @FarrukhHabibISF for his his well deserved appointment as State Minister for Information and Broadcasting, he will take oath of his office tomorrow

— Ch Fawad Hussain (@fawadchaudhry) April 28, 2021

رکن قومی اسمبلی فرخ حبیب نے عہدہ دینے پر وزیراعظم عمران خان کا شکریہ ادا کیا۔