آرمی چیف جنرل قمرجاوید باجوہ نے امریکاکے افغان مفاہمتی عمل کےلئےخصوصی نمائندے زلمے خلیل زاد سے ملاقات کی۔ملاقات میں افغانستان میں امریکی فوج کے سربراہ جنرل آسٹن اسکاٹ ملربھی موجود تھے.

آئی ایس پی آرکےمطابق پاکستان کےدورےپرآئے ہوئے امریکا کے افغان مفاہمتی عمل کےلئے خصوصی نمائندے زلمے خلیل زاد اورافغانستان میں امریکی فوج کے سربراہ جنرل آسٹن اسکاٹ ملر نے جی ایچ کیو راولپنڈی کا دورہ کیا۔

آرمی چیف جنرل قمر جاوید باجوہ سے زلمے خلیل زاد اور افغانستان میں امریکی فوج کے سربراہ جنرل آسٹن اسکاٹ ملر کے ہمراہ ملاقات ہوئی۔

ملاقات میں باہمی دلچسپی، علاقائی سیکیورٹی اور افغان مفاہمتی عمل پر بات چیت کی گئی۔امریکی وفد نے خطے میں فروغ امن کےلئے پاکستان کے کردار کی تعریف کی۔