اسلام آباد:وفاقی وزیر سائنس اینڈ ٹیکنالوجی فواد چوہدری نے کہا ہے کہ سپریم کورٹ نے کرپشن کے خاتمے کا مؤقف تسلیم کرلیا،عدالت نے مکمل خفیہ رائے دہی کا اصول تسلیم نہیں کیا۔

وفاقی وزیر فواد چوہدری نے سماجی رابطے کی ویب سائٹ ٹوئٹر پر اپنے ٹویٹ میں سپریم کورٹ کی جانب سے سینیٹ انتخابات سے متعلق رائے پر رد عمل دیتےہوئے کہا کہ سپریم کورٹ نے کرپشن کے خاتمے ،ہارس ٹریڈنگ کی حوصلہ شکنی اور اراکین کے لین دین کے معاملات کو ختم کرنے کے مؤقف کو تسلیم کر لیا ہے۔

سپریم کورٹ نے کرپشن کے خاتمے ،ہارس ٹریڈنگ کی حوصلہ شکنی اور اراکین کے لین دین کے معاملات کو ختم کرنے کے مؤقف کو تسلیم کر لیا ہے اور مکمل خفیہ رائے دہی کا اصول نہیں مانا الیکشن کمیشن کو کہا گیا ہے کہ وہ شفاف انتخابات کیلئے اقدامات کرے جس میں Traceable Ballot شامل ہے

— Ch Fawad Hussain (@fawadchaudhry) March 1, 2021

فواد چوہدری نے مزید کہا کہ سپریم کورٹ نے مکمل خفیہ رائے دہی کا اصول نہیں مانا، الیکشن کمیشن کو کہا گیا ہے کہ وہ شفاف انتخابات کیلئے اقدامات کرے،جس میں ٹریس ایبل بیلٹ شامل ہے۔