کراچی: پاکستان سپر لیگ سیزن سکس کے پانچویں میچ میں ملتان سلطانز نے پشاور زلمی کو جیت کیلئے 194 رنز کا بڑا ہدف دے دیا۔

تفصیلات کے مطابق نیشنل اسٹیڈیم کراچی میں کھیلے جارہے میچ کا ٹاس پشاور زلمی کے کپتان وہاب ریاض نے جیت کر پہلے سلطانز کو بیٹنگ کی دعوت دی۔

ملتان سلطانز نے جیمز وِنس کے 84 رنز کی بدولت پشاور زلمی کیخلاف مقررہ 20 اوورز میں 4 وکٹوں پر 193 رنز بنائے۔ کپتان رضوان 41 اور صہیب مقصود بھی 36 رنز بناکر نمایاں رہے۔

ملتان کے بلے بازوں نے پشاور زلمی کے کپتان کو خوب آڑے ہاتھوں لیا۔ وہاب ریاض نے اپنے 4 اوورز کے کوٹے میں بناء کوئی وکٹ حال کئے 51 رنز دے ڈالے۔

زلمی کے ثاقب محمود نے دو جبکہ محمد عرفان نے ایک وکٹ حاصل کی۔