مشیر قومی سلامتی معیدیوسف کی دوشنبہ میں اپنےتاجک ہم منصب نصررولومحمود زودہ سے ملاقات ہوئی۔فریقین نے تعلقات کو مزید گہرا اور مضبوط بنانےکے عزم کا اعادہ کیا۔

ملاقات میں دونوں فریقوں نے برادر ممالک کے مابین بہترین دو طرفہ تعلقات پر اطمینان کا اظہار کیا۔

معید یوسف نے کہا کہ دونوں ممالک کو تجارت،ٹرانسپورٹ،راہداری،توانائی اور دفاع و سلامتی کے شعبوں میں باہمی تعاون کو مضبوط بنانے پر خصوصی توجہ دینے کی ضرورت ہے۔

دونوں ممالک کا علاقائی امن و سلامتی کے لئے قریبی تعاون بہت ضروری ہے۔