عالمی ادارہ صحت نے ڈبل ڈوز چینی ویکسین "سائنوویک" کی ہنگامی حالت میں استعمال کی منظوری دیدی۔ سائنوفارم کے بعد ڈبلیو ایچ او سے دوسری چینی ویکسین کےاستعمال کی اجازت ملی ہے۔

ڈبلیو ایچ او کے مطابق ویکسین حفاظت، افادیت اور تیاری میں عالمی معیار کے مطابق ہے۔ نتائج کےمطابق سائنوویک ویکسین لگوانے والے پچاس فیصد افراد کورونا کی ظاہری علامات سےبچے رہے، جبکہ سو فیصد افراد کورونا کی شدید علامات اور اسپتال میں داخل ہونے سے محفوظ رہے۔

سائنوویک متعدد ممالک میں اٹھارہ برس سے زائد عمر کے افراد کے لیے استعمال کی جارہی ہے۔