ترجمان دفتر خارجہ کہتے ہیں بھارتی ٹی وی اینکر ارنب گوسوامی کے خلاف ممبئی پولیس کی چارج شیٹ نے بھارت کے مذموم عزائم کو مزید بےنقاب کردیا۔ حالیہ انکشافات نے پاکستان کے دیرینہ مؤقف کو درست ثابت کیا ہے۔

ترجمان دفترخاجہ کے مطابق پاکستان بار ہا بی جے پی حکومت کے فالس فلیگ آپریشن کی نشاندہی کرتا رہا۔بھارت کی جعلی کارروائیوں کو مقصد پاکستان پر دہشتگردی کےالزامات لگا کربدنام کرنا تھا۔بھارت، پاکستان کو عالمی سطح پر بذریعہ گمراہ کن مہم بدنام کرنے کی کوشش کرتارہا۔ بھارتی نام نہاد 'سرجیکل اسٹرائیکس' کا دعویٰ، پاکستان کو بدنام کرنے اور انتخابات جیتنے کی کوشش تھی۔ پاکستان نے بدنیتی پرمبنی بھارتی پروپیگنڈے کو یکسر مسترد کیا ہے۔

انکا کہنا تھا کہ پاکستان نشاندہی کرتا رہا ہے کہ پلوامہ حملے کا سب سے زیادہ فائدہ بی جے پی کو ہوا۔نئےانکشافات نےفالس فلیگ آپریشن سےانتخابی جیت تک کا تمام اسکرپٹ ثابت کردیا۔ثابت ہوگیا کہ بھارت کی لاپرواہ حکومت کس طرح داخلی سیاست کےلئے علاقائی امن داؤ پر لگا رہی ہے۔