اسپيکر پنجاب اسمبلی کے انتخاب پر جھگڑا کرنے پر مسلم لیگ ن کے 5 ارکان صوبائی اسمبلی کے خلاف مقدمہ تھانہ قلعہ گجر سنگھ میں درج کرلیا گیا۔

مقدمہ رانا مشہود، مرزاجاوید، رخسانہ کوثر، سیف الملوک کھوکھر اور مياں رؤف کیخلاف درج کیا گیا۔

ایف آئی آر کے متن کے مطابق لیگی ایم پی ایز نے اسپیکر کے الیکشن میں اسمبلی کی کارروائی متاثر کی، 29 جولائی کو اسپیکر کے انتخاب کے دوران ليگی اراکين نے زبردستی بيلٹ پيپر بک چھينی، جس سے انتخابی عمل کئی منٹ تک معطل رہا۔

ایف آئی آر میں کہا گیا کہ بيلٹ پيپر بک خاتون رکن رخسانہ کوثر کے قبضہ سے ملی جسکی جانچ پڑتال کی تو4 بیلٹ پیپرز پھٹے ہوئے تھے۔ عملے پر حملہ، انتخابی سامان چھیننے اور انتخابی عمل میں رکاوٹ کے الزامات پر مقدمہ درج کیا گیا ہے۔