مونس الٰہی نے اپنے تصدیق شدہ ٹوئٹراکاؤنٹ سے ٹوئٹ میں سڑک پرلگے پیپسی کے ایک اشتہار کے بِل بورڈ کی تصویر شیئرکی، جس قومی کرکٹرزاداکاری کرتے نظرآرہے ہیں، جبکہ باؤلر محمد عرفان کا چہرہ واضح دیکھا جاسکتا ہے۔

مونس الٰہی کو بِل بورڈ کے کونے پر رومن اردو لکھا جملہ ‘دل مانگے ابھی’ پسند نہیں آیا۔

انہوں نے اپنے دل کی بھڑاس نکالتے ہوئے لکھا کہ “بعض ٹی وی، اخبار و بل بورڈ اشتہارات میں اردو عبارات کو رومن رسم الخط میں تحریرکرنا غلط ہے”۔

وزیراعلیٰ پنجاب کے صاحبزادے نے اپنی خواہش ظاہرکرتے ہوئے کہا کہ وہ سوچ رہے ہیں کہ قانون سازی کے ذریعے اسے بند جائے تاکہ ہماری اگلی نسلیں ہماری قومی زبان اردو لکھنے اور پڑھنے پر زور دیں۔

سوشل میڈیا صارفین کی جانب سے مونس الٰہی کی ٹوئٹ پر تبصروں کی قطار لگ گئی۔

Absolutely.. but pls do urgent work for the present generation as well ..there is a lot to be done .. opportunities in sports and culture must be provided ..

— Shaan Shahid (@mshaanshahid) August 21, 2022

بل بورڈز کی اردو ٹھیک کرنے کے بعد، وزیر اعلیٰ پنجاب کے بیٹے صاحب، ذرا ڈیرہ غازی خان میں تباہی مچانے والے سیلاب سے متاثرہ افراد کیلئے عملی اقدامات کر لیں جہاں لوگ اپنے پیاروں اور اپنے مال و متاع کو اپنی آنکھوں کے سامنے ختم ہوتا دیکھ رہے ہیںhttps://t.co/VK0MZgdh5F

— دل کی دھڑکن پاکستان (@DilJaanPAK) August 21, 2022

بہت خوب۔ یہ ایک اعلیٰ اقدام ثابت ہو گا خصوصاً ہماری نسلوں میں اردو کی ترویج و اشاعت کے حوالے سے

— Arbaz Raza Bhutta (@ArbazRaza01) August 21, 2022

کوئی عملی کام کریں جس سے عوام کا حقیقی فائدہ ہوتا نظر آے خالی پوائنٹ سکور نگ میں لگے ہوئے ہیں ، پنجےکی سڑکیں تباہ حال ہیں ، ہسپتال اورسکول توجہ کے منتظر ہیں، سیلابی پانی کی روک تھام کے لئے کچھ کریں، پولیس اورگورننس کے سلسلے تباہ حال ہیں۔آپ صرف دکھاوے کے پیچھے پڑے ہوےہیں

— Riz Sindhoo (@RSindh) August 21, 2022

یہ ایک اہم مسئلہ ہے جس پہ میں اکثر بات کرتا ہوں۔ رومن کی عادت اتنی ڈال دی گئی ہے کہ اب تو مشہور کمپنیاں بھی اردو میں نہیں لکھتیں۔ خوشی ہے کہ آپ نے اس پہ سوچا اور لکھا۔ امید ہے جلد کچھ لائحہ عمل نظر آئے گا۔

— Furqan T. Siddiqui (@furqantsiddiqui) August 21, 2022