اسلام آباد میں میڈیا سے گفتگو کرتے ہوئے فواد چوہدری نے کہا کہ جمعرات کو ملک بھر میں آزادی تحفظ صحافت اور پیر کو آزادی عدلیہ کا دن منائیں گے، اس موقع پر عمران خان بار ایسوسی ایشنز سےخطاب کریں گے۔

انہوں نے کہا کہ عمران خان 19 کو کراچی اور 20 اگست کو حیدرآباد میں جلسہ کریں گے، جلسےکرکے ملک گیر انتخابی مہم چلائی جائے گی۔

فواد چوہدری نے حکومت سے مخاطب ہوتے ہوئے کہا کہ صرف عام انتخابات کے فریم ورک پر بات ہوسکتی ہے کوینکہ آپ کی پالیسیوں پر میثاق کرنا پاکستان کو نقصان پہنچانا ہے۔

پی ٹی آئی رہنما کا مزید کہنا تھا کہ فوج اور پی ٹی آئی میں اختلافات کے علاوہ عدلیہ کی تقسیم کی بھی مذموم کوشش کی جارہی ہے۔