گزشتہ روزقومی ترانے کی ریلیز سے متعلق وفاقی وزیراطلاعات مریم اورنگزیب نے پریس کانفرنس کرتے ہوئے کہا تھا کہ وزیراعظم “ری ریکارڈڈ” ترانہ لانچ کریں گے۔

قومی ترانے کا نیا ورژن حکومت پاکستان کے آفیشل ٹوئٹر اکاؤنٹ سے شئیر کردیا گیا ہے۔

وزیر اطلاعات کے مطابق نئے ورژن کی ‘ریکارڈنگ’ کی تیاری میں ملک بھر کے موسیقار اور گلوکار نے حصہ لیا۔

انہوں نے بتایا پاکستان کا موجودہ قومی ترانہ سرکاری طور پر 1954 میں ریکارڈ کیا گیا تھا۔

ریڈیو پاکستان کے مطابق قومی ترانہ کی ریکارڈنگ میں 155 گلوکاروں، 48 موسیقاروں اور 6 بینڈ ماسٹروں نے حصہ لیا۔

یہ منصوبہ وزارت اطلاعات و نشریات اورآئی ایس پی آر سمیت مختلف محکموں کے تعاون سے مکمل کیا گیا ہے۔

تینوں مسلح افواج کے براس بینڈز نے بھی اس میں میں حصہ لیا ہے۔