چیف الیکشن کمشنر سکندر سلطان راجہ کی سربراہی میں 3 رکنی بینچ نے ‘متفقہ’ فیصلے میں کہا کہ پاکستان تحریک انصاف پرممنوعہ فنڈز لینا ثابت ہوگیا ہے۔68 صفحات پر مبنی فیصلے میں قراردیا گیا کہ پی ٹی آئی نے امریکا سے ایل ایل سی فنڈنگ ، 34 غیرملکیوں اور عارف نقوی سے فنڈزلیے۔کیس کے آغازمیں 8 اکاؤنٹس کی تصدیق کی اور 13 کوپوشیدہ رکھاگیا،ابراج گروپ،آئی پی آئی اور یوایس آئی سےفنڈنگ کے علاوہ پی ٹی آئی کوووڈن کرکٹ سے ملنے والی فنڈنگ بھی ممنوعہ قرار دی گئی جس کا انکشاف 29 جولائی کو برطانوی جریدے فنانشل ٹائمزکی رپورٹ میں کیا گیا تھا۔

پی ٹی آئی کو امریکا،کینیڈا،رومیتا شیٹی سمیت 34غیرملکی شہریوں سے ملنے والی فنڈنگ کے علاوہ 351 غیرملکی کمپنیزسےلی گئی فنڈنگ بھی غیرقانونی قراردیتے ہوئے کہا گیا کہ چیئرمین پی ٹی آئی عمران خان کی جانب سے بیان حلفی غلط تھا۔

امریکا میں مقیم بھارتی نژاد کاروباری خاتون رومیتا شیٹی کی جانب سے پی ٹی آئی کو فنڈنگ سوشل میڈیا پر زیربحث ہے، پاکستانی قوانین کی خلاف ورزی کرتے ہوئے غیرملکی شہریوں کی جانب سے فنڈز پرپابندی کے باوجود رومیتا شیٹی نے 13 ہزار 750 امریکی ڈالر دیے۔

Mrs. Romita Shetty an Indian national sent funds to PTI from Singapore. pic.twitter.com/TIyp6koGrs

— Hamid Mir (@HamidMirPAK) August 2, 2022

رومیتا کا نام الیکشن کمیشن کے 68 رکنی فیصلے کے صفحہ نمبر 65 پر موجود ہے

کیا رومیتا شیٹی اوورسیز پاکستانی ہیں؟

پی ٹی آئی کے مخالفین بالخصوص برطانیہ اور امریکی شہریوں سے فنڈز وصول کرنے کی رپورٹس کوبھی پی ٹی آئی کی منی لانڈرنگ کا ثبوت سمجھتے ہیں تاہم الیکشن کمیشن کے فیصلے کے بعد سے پارٹی رہنماؤں کی جانب سے زور دے کر کہا جارہا ہے کہ یہ معاملہ “ممنوعہ فنڈنگ” کا تھا نہ کہ “غیر ملکی (فارن ) فنڈنگ” کا ۔

فیصلے کے بعد پی ٹی آئی رہنما پارٹی کا دفاع کرتے ہوئے ٹوئٹر پر سرگرم ہیں، رومیتا کا نام سوشل میڈیا پرتیزی سے مقبول ہوتا دیکھ کر سابق وفاقی وزیر فواد چوہدری نے ایک ٹویٹ کے جواب میں بتایا کہ رومیتا شیٹھی کے شوہر پاکستانی ہیں۔

Her Husband is Pakistani I am told and he was the one who gave 13 thousand Dollars, another Indian agent who is actually Mohd Asif of Mureed K who gave 500 USD… https://t.co/uZDLcsg81j

— Ch Fawad Hussain (@fawadchaudhry) August 2, 2022

رومیتا شیٹی پاکستانی نژاد امریکی بزنس مین ناصر احمد عزیز کی اہلیہ اور ڈی اے کیپیٹل ایل ایل سی کی منیجنگ ڈائریکٹرہیں۔

کولمبیا یونیورسٹی سے ایم اے انٹرنیشنل افیئرزکی ڈگری لینے رومیتا نے بھارت کے سینٹ جوزف کالج سے بی اے (ہسٹری ) مکمل کیا۔

رومیتا کے نصف بہترناصراحمد عزیز نے ابتدائی تعلیم پاکستان میں شہر قائد کے مشہور ومعروف اسکول کراچی گرامر سے حاصل کی۔

رومیتا کا نام سامنے آنے کے بعد ٹوئٹرصارفین نے حقائق سامنے لانے کی ذمہ داری اٹھالی ، کسی نے رومیتا کا پروفائل شیئرکیا تو کئی نے اعتراض اٹھایا کہ فندز رومیتا اور ان کے شوہرکے مشترکہ اکاؤنٹ سے ٹرانسفرکیے گئے۔

Romita shetty ny fund nahi dye uske husband ny dye ECP divided funded amount of 27500 into 2 parts as the transfer was from joint account 😂https://t.co/WJl1RxlhHG

— AkbaR (@Aakbar84) August 2, 2022

Correction sir, Mrs Romita Shetty is an American Business person of Indian Origin https://t.co/nCqKf7isnj

— Anas Mallick (@AnasMallick) August 2, 2022

Company Name - Ahimsa Hospitality Pvt Ltd
Director - Naseer Aziz Ahmed & Romita Shetty. Naseer Aziz is Pakistani and also her husband this business family sent 13750$ to PTI party fund because they are fan of @ImranKhanPTI. Non sense propaganda exposed!#صادق_و_امین_عمران_خان pic.twitter.com/mcOhVilTKR

— Naveed Gondal (@Gondal2oo5) August 2, 2022

اس سے قبل، الیکشن کمیشن کا فیصلہ آنے کے فوری بعد ایک پریس کانفرنس میں فواد چوہدری نے کہا کہ بیرون ملک مقیم پاکستانیوں نے پی ٹی آئی کے لیے فنڈز اکٹھے کیے اور الیکشن کمیشن نے ان کے بیانیے کو تسلیم کیا ہے کہ یہ “فارن فنڈنگ” کے تحت نہیں آتا ۔

اوورسیز پاکستانیوں تحریک انصاف کو فنڈنگ جاری رکھیں ہم آپ کا احترام دل جان سے کرتے رہے ہیں اور کرتے رہیں گے حکومتی اتحاد اور ان کے میڈیا حمایتی جو آج بیرون ملک مقیم پاکستانیوں کو اسرائیلی اور امریکن ایجنٹ ڈیکئر کر رہے ہیں ان کو منہ کی کھانی پڑے گی، اوورسیز پاکستانی زندہ باد pic.twitter.com/5OHAKlzouv

— Ch Fawad Hussain (@fawadchaudhry) August 2, 2022

انہوں نے واضح کیا پی ٹی آئی کا پہلے دن سے موقف تھا کہ یہ کیس ممنوعہ فنڈنگ ​​سے متعلق ہے غیر ملکی فنڈنگ ​​سے نہیں۔