وزیراعلیٰ سندھ کے ہمراہ صوبائی وزیرناصرشاہ، شرجیل میمن اور ایڈمنسٹریٹر کراچی مرتضیٰ وہاب بھی موجود تھے۔

وزیراعلیٰ سندھ کے ترجمان کا کہنا ہے کہ وزیراعلیٰ سندھ نشیبی علاقوں،ندی نالوں اورچوکنگ پوائنٹس کا بھی دورہ کرینگے۔

آج کل سوشل میڈیا پر ہر کوئی ٹاپ صحافی بنا ہوا ہے: مراد علی شاہ

شہر کے دورے کے موقع پر وزیراعلیٰ سندھ مراد علی شاہ نے کہا کہ آج کل سوشل میڈیا پرہرکوئی ٹاپ صحافی بنا ہوا ہے، اختیارات اورپیسوں کا مسئلہ نہیں،اصل معاملہ نیک نیتی کا ہے۔

اپنے بیان میں مراد علی شاہ نے کہا کہ شہریوں سے درخواست ہےآج چھٹی ہےتوباہرنہ نکلیں، وزراکی ڈیوٹی لگائی ہے،میں خودمانیٹرکررہاہوں۔

انہوں نے کہا کہ حیدرآباد،بدین جامشورو سمیت ہر شہر کو مانیٹرکررہاہوں، بارش سےپہلےہی شادمان نالےپرکام چل رہاتھا، باتیں کرنیوالوں کوصرف مائیک نظرآتےہیں اورشروع ہوجاتے ہیں۔

ان کا کہنا تھا کہ محکمہ موسمیات کی پیشگوئی ہے کہ 5 بجے کے بعدتیزبارش ہے، شہرکے نالے اس وقت فعال ہیں،عملہ سڑکوں پرہے۔