وزیر اعلی ہاوس میں جمعے کو پریس کانفرنس کرتے ہوئے انہوں نے کہا کہ آج جس خط پر سابق وزیر اعظم عمران خان ہارا وہ امریکی نہیں گجراتی خط تھا۔

ان کا مزید کہنا تھا کہ عمران خان جھوٹے الزامات لگانے پر معافی مانگیں۔

“جن کا کوئی کردار نہیں وہ اخلاقیات کی باتیں کررہے ہیں۔”

وزیر اطلاعات نے کہا کہ پر امن احتجاج کا سب کو حق ہے لیکن ملک کو غنڈوں کے رحم و کرم پرنہیں چھوڑا جاسکتا۔

“احتجاج کرنا ہے تو کسی ایک جگہ جاکر کریں ورنہ قانون حرکت میں آئے گا۔”

شرجیل میمن نے مزید کہا کہ “ایک بار پھر سوشل میڈیا پر بیہودہ پروپیگنڈا چلایا جارہا ہے۔ وزیر اعلی سندھ نے آئی جی سندھ کو ہدایت کی ہے کہ امن و امان بحال رکھا جائے، سڑکیں بند نہیں ہونی چاہیے۔”