ڈپٹی اسپیکر پنجاب اسمبلی نے عدالتی حکم پر وزارت اعلیٰ کےانتخاب کے لیے پنجاب اسمبلی میں ہونے والے اجلاس کے حوالے سے چیف سیکرٹری اور آئی جی کو پولیس تعیناتی کا مراسلہ جاری کردیا۔

ڈپٹی اسپیکر کے مراسلے کے بعد لاہور پولیس نے سیکیورٹی پلان مرتب کرلیا، جس کے مطابق اسمبلی کے اندراور باہر 1400 سے زائد پولیس اہلکاروں کو تعینات کیا جائے گا۔

پولیس کی جانب سے جاری بیان میں کہا گیا ہے کہ پنجاب اسمبلی اجلاس کو پرامن بنانے کے لیے سیکیورٹی تعینات کی گئی ہے، اجلاس میں اہلکاروں کی تعیناتی کا مقصد وزیراعلیٰ کے الیکشن کو پرامن بنانا ہے۔