پنجاب کے 20 حلقوں میں ہونے والے ضمنی انتخابات کے حوالے سے پی ٹی آئی رہنماء شہباز گل نے سماجی رابطے کی ویب سائٹ ٹوئٹر پراپنے ٹویٹ میں کہا کہ مظفر گڑھ میں ہمارے امیدوار معظم جتوئی کے پولنگ ایجنٹس کو پولنگ اسٹیشن 44 اور 46 سے نکال دیا گیا، انہیں خالی ڈبے اور بیلٹ پیپر چیک نہیں کرنے دئیے گئے، فارم 46 شفافیت ختم کردی گئی۔

مظفر گڑھ میں ہمارے امیدوار معظم جتوئی کے پولنگ ایجنٹس کو پولنگ سٹیشن44 اور 46 سے باہر نکلا دیا گیا۔ انہیں خالی ڈبے اور بیلٹ پیپر چیک نہیں کرنے دئیے گئے۔ فارم 46 شفافیت ختم کر دی گئی۔ اب ہمیں پتہ نہیں اس پولنگ سٹیشن پر کتنے جعلی ووٹ ڈالے جائیں گے۔ دھاندلی کا آغاز کر دیا گیا

— Dr. Shahbaz GiLL (@SHABAZGIL) July 17, 2022

شہباز گل نے مزید کہا کہ اب ہمیں پتہ نہیں اس پولنگ اسٹیشن پر کتنے جعلی ووٹ ڈالے جائیں گے، دھاندلی کا آغاز کر دیا گیا۔

پی ٹی آئی رہنما کی جانب سے دھاندلی کا الزام عائد #ByElectionsPunjab #ByElection2022 pic.twitter.com/N0wMa4UpB7

— Aaj News (@Aaj_Urdu) July 17, 2022

پی ٹی آئی رہنماء نے ایک اور ٹویٹ میں کہا کہ آج تمام اسٹیٹ مشینری دھاندلی کے مشن پر ہے،کسی بھی بے ضابطگی اور 2 نمبری کی کوشش کی تصاویر ، ویڈیوز اور مطلقہ معلومات اس نمبر پر رپورٹ کریں۔

آج تمام سٹیٹ مشینری دھاندلی کے مشن پر ہے
کسی بھی بے ضابطگی اور دو نمبری کی کوشش کی تصاویر ،ویڈیوز اور مطلقہ معلومات اس نمبر پر رپورٹ کریں#بلے_پہ_ٹھپہ pic.twitter.com/OGTbvHZbZc

— Dr. Shahbaz GiLL (@SHABAZGIL) July 17, 2022

شہباز گل نے اپنے ٹویٹ میں مزید کہا کہ ووٹ ڈالنے کیلئے نکلیں تو ذہن میں رکھیں اس امپورٹڈ حکومت کی لوٹ مارکی قیمت اسی ماہ آپ کو بجلی کےبلوں میں اداکرنی ہے، 40 فیصد سے زائد تاریخ کی بلند ترین مہنگائی سے بچوں کا پیٹ کاٹ کر اس لوٹ مار میں ملوث ٹولے کو پہلے ہی آپ پال رہے ہیں۔

ووٹ ڈالنے کے لئے نکلیں تو ذہن میں رکھیں
اس امپورٹڈحکومت کی لوٹ مار کی قیمت اسی ماہ آپ کو بجلی کے بلوں میں ادا کرنی ہے
چالیس فیصد سے زائد تاریخ کی بلند ترین مہنگائی سے بچوں کا پیٹ کاٹ کر اس لوٹ مار میں ملوث ٹولے کو پہلے ہی آپ ہی پال رہے ہیں#بلے_پہ_ٹھپہ pic.twitter.com/JOjEREUe3p

— Dr. Shahbaz GiLL (@SHABAZGIL) July 17, 2022

پنجاب ضمنی انتخابات کے حوالے سے پاکستان تحریک انصاف کے رہنماء فیاض الحسن چوہان نے اپنے ویڈیو پیغام میں کہا کہ آج پی ٹی آئی پنجاب کے تمام ضمنی الیکشن میں فتح یاب ہوگی، ن لیگ ریکارڈ ساز دھاندلیوں کے باوجود آج ناکام و نامراد ہو گی۔

فیاض الحسن چوہان نے کہا کہ پنجاب میں پی ٹی آئی کےاُمیدواران اورقائدین کیخلاف پولیس گردی قابل مذمت ہے،ضمنی الیکشن میں واضح شکست دیکھ کر (ن)لیگ اورآل شریف بوکھلاہٹ کا شکارہیں۔

پی ٹی آئی رہنماء نے مزید کہا کہ خیبر پختونخوا کے قائدین کی پنجاب میں پابندی اور گرفتاریاں ن لیگ کی ملک دشمن پالیسی ہے، ن لیگ کے 2 ایم پی اے استعفی دے چکے اور 2 ممبران استعفی دینے کو تیار ہیں۔