پنجاب کے 20 حلقوں میں ہونے والے ضمنی انتخابات کے حوالے سے وزیراعظم شہباز شریف نے سماجی رابطے کی ویب سائٹ ٹوئٹر پراپنے ٹویٹ میں کہا کہ پنجاب کے ضمنی انتخابات میں اپناووٹ ڈالتے ہوئے عمران نیازی حکومت کے پونے 4سالہ سیاہ دور کو ضرور یاد رکھیں، پاکستان پی ٹی آئی دور میں اپنی منزل سے دور ہو گیا، اس کا اظہار آپ نے اپنے ووٹ سے کرنا ہے۔

پنجاب کےضمنی انتخابات میں اپنا ووٹ ڈالتےہوئے عمران نیازی حکومت کےپونے 4سالہ سیاہ دورکی کرپشن،نا اہلی،معاشی تباہی،مافیہ کی سہولت کاری و سرپرستی اورتبدیلی کےنام پر برپا کی گئی تباہی کےبارے ضرور سوچیئےگا. پاکستان PTI کےدور میں اپنی منزل سےدور ہوگیا،اسکا اظہار آپ نےاپنے ووٹ سےکرناہے

— Shehbaz Sharif (@CMShehbaz) July 17, 2022

وزیراعظم نے کہا کہ پنجاب کو پونے 4 سال بدترین گورننس کا نشانہ بنایا گیا، شہریوں کو مفت ادویات اور طلباء کو وظائف سے محروم کیا گیا، سرکاری آسامیوں اورتبادلوں کی کھلےعام خرید و فروخت کی گئی، شہری سہولیات کی حالت ابتر اور لاقانونیت عروج پررہی، پنجاب کی جو حالت کی گئی، وہ پنجاب کے لوگوں کی توہین سے کم نہیں۔

پنجاب کو پونے4 سال بدترین گورننس کا نشانہ بنایا گیا. شہریوں کو مفت ادویات اور طلباء کو وظائف سےمحروم کیا گیا. سرکاری آسامیوں اورتبادلوں کی کھلےعام خرید و فروخت کی گئی. شہری سہولیات کی حالت ابتر اور لاقانونیت عروج پررہی. پنجاب کی جو حالت کی گئی، وہ پنجاب کےلوگوں کی توہین سےکم نہیں

— Shehbaz Sharif (@CMShehbaz) July 17, 2022

وزیراعظم شہباز شریف نے اپنے پیغام میں مزید کہا کہ آپ کا ووٹ ہی آپ کی طاقت ہے، اس طاقت سے انتشار، نفرت اور تقسیم کی سیاست کومسترد کریں، ایک شخص کی اناء ،انداز سیاست اور نااہلی نے معاشرے کے حسن کو تہ و بالا کرکے رکھ دیا ہے، اپنا ووٹ قومی ترقی اور اپنے بچوں کے روشن مستقبل کیلئے ڈالیں، مجھے آپ کی قوتِ انتخاب پر پورا بھروسہ ہے۔

آپکا ووٹ ہی آپکی طاقت ہے. اس طاقت سے انتشار، نفرت اور تقسیم کی سیاست کومسترد کریں.ایک شخص کی اناء،اندازِ سیاست اور نااہلی نےہمارے معاشرےکے حسن کو تہ و بالا کرکے رکھ دیا ہے. اپنا ووٹ قومی ترقی اور اپنے بچوں کے روشن مستقبل کیلئےڈالیں. مجھے آپکی قوتِ انتخاب پر پورا بھروسہ ہے.

— Shehbaz Sharif (@CMShehbaz) July 17, 2022