فلم میں کرینہ کپور کے کردار کا نام ‘پوجا’ یا ‘پوُ’ تھا اور ان کا ایک ڈائیلاگ بہت مقبول ہوا تھا: ‘کون ہے وہ جس نے دوبارہ مُڑ کے مجھے نہیں دیکھا’۔

دہلی پولیس نے اپنے ٹوئٹر پر ایک ویڈیو شیئر کی ہے جس میں ایک گاڑی کو سگنل کی بتی لال ہونے کے باوجود گزرتا ہوا دیکھا جاسکتا ہے۔ اس پر ویڈیو میں سگنل کی لال بتی پر ‘پوُ’ کا چہرہ ہے، جو مذکورہ ڈائیلاگ کہہ رہی ہے۔

Who's that traffic violator?

Poo likes attention, so do the traffic lights !#RoadSafety#SaturdayVibes pic.twitter.com/ZeCJfJigcb

— Delhi Police (@DelhiPolice) July 16, 2022

اس ویڈیو کے ساتھ ہی دہلی پولیس نے لکھا ہے کہ ‘یہ کون ٹریفک کی خلاف ورزی کرنے والا ہے؟ پوُ کو توجہ پسند ہے اور ٹریفک لائیٹس کو بھی’۔

تاہم یہ پہلی بار نہیں ہوا ہے کہ دہلی پولیس نے کوئی پیغام پہنچانے کے لیے میمز کا استعمال کیا ہو۔

حال ہی میں جب ناسا (نیشنل ایئروناٹکس اینڈ سپیس ایڈمنسٹریشن) نے کائنات کی اب تک کی صاف ترین تصویر رلیز کی تو دہلی پولیس نے اس کو بھی ٹریفک قوانین نافذ کرنے کے لیے استعمال کیا۔

پولیس نے ایک ٹویٹ میں ناسا کی رلیز کی گئی کائنات کی تصویر کے ساتھ ایک شخص کی سیٹ بیلٹ لگاتے ہوئے تصویر لگائی اور لکھا کہ “یہ ایک ذمہ دار شہری کی صاف ترین تصویر ہے”۔

Drive with a seatbelt on to avoid seeing the stars and the challan.#DelhiPolice #DelhiTrafficPolice #DilKiPolice pic.twitter.com/dQH2Hh0k8w

— Delhi Traffic Police (@dtptraffic) July 12, 2022

اس کولاج کے ساتھ کیپشن تھا کہ ّتارے اور چالان دیکھنے سے بچنے کے لیے سیٹ بیلٹ لگا کر گاڑی چلائیں۔