لاہور میں نیوز کانفرنس کرتے ہوئے حمزہ شہباز نے کہا کہ فارن فنڈنگ کیس میں پتہ لگ جائے گا کہ منی لانڈرنگ کس نے کی، اور یہ بات ریاست مدینہ کی کرتے ہیں۔

انہوں نے کہا کہ عمران نیازی نے آئی ایم ایف کے گھٹنے پکڑ کرتیل مہنگا کرنے کے وعدے کئے، ہم نے سخت فیصلے کئے، عوام کی قربانی کا صلہ پیٹرول میں کمی صورت میں ملے گا۔

حمزہ شہباز نے کہا کہ وسیم اکرم پلس کے نام پر جو کھلواڑ ہوا اسے پہلے ٹھیک کرلیں، اسکے بعد انتخابات بھی ہوں گے۔

انہوں نے مزید کہا کہ جہاد فرح گوگی اور جمیل گجر کی لوٹ مار کا نام ہو تو ایسے جہاد سے اللہ محفوظ رکھے۔

ان کا کہنا تھا کہ عمران خان سیاست نہیں کررہے بلکہ انتشار پھیلارہے ہیں۔