مسلم ممالک کے سفیران نے جامع مسجد روم میں نماز عید ادا کی جب کہ ملک کے بڑے شہروں بشمول بریشیا، میلان، روم، تورینو، بلونیا، واریزے، ناپولی میں نماز عید کے بڑے اجتماعات کا اہتمام کیا گیا۔

علی الصبح نماز عید ادا کرنے کے بعد لوگوں کی بڑی تعداد نے بارگاہ خداوندی میں اپنی قربانی کا فریضہ ادا کرنے کے لیے حلال ذبیحہ خانوں کا رخ کیا۔

یورپی ملک میں ہفتہ و اتوار کی چھٹی ہونے کے سبب بچوں خواتین اور فیملیوں نے سرد مقامات جب کہ کچھ لوگ سماندر کی جانب نکل پڑے۔

اطالوی مسلم تنظیم کی طرف سے بھی مختلف مقامات پر نمازِ عید اور قربانی کرنے کے انتظامات کیے گئے جب کہ پاکستانی فلاحی تنظمیوں کی جانب سے بھی مسلم کمیونٹی کو مختلف سہولیات فراہم کی گئیں۔