جہلم میں میڈیا سے گفتگو کرتے ہوئے احسن اقبال نے کہا کہ عمران خان نے کبھی یونین کونسل نہیں چلائی، جب اسے وزارت عظمی کی گاڑی دی گئی، اس نے کوئی کھائی نہ چھوڑی جس میں گاڑی نہ گرائی ہو۔

وفاقی وزیر نے کہا کہ آج عمران خان لوگوں کو کلمے سکھا رہا ہے، انہوں نے لوگوں کو سچائی کی تقاریر کیں، اس ہی کی حکومت نے سب سے زیادہ کرپشن کی اور اگر نیب چیئرمین بلیک میل نہ ہوتے تو عمران کی آدھی کابینہ جیل میں ہوتی۔