حادثے میں جان کی بازی ہارنے والے21 سالہ یوٹیوبرعبداللہ خٹک کا تعلق پشاور سے تھا، وہ 3 سال قبل تعلیم کیلئے کراچی منتقل ہوئے تھے۔

عبداللہ آغا خان یونیورسٹی میں میڈیکل کے طالبعلم تھے جبکہ یوٹیوبر کے تعلیمی ادارے نے ان کے انتقال پر افسوس کا اظہار بھی کیا۔

تاہم عبد اللہ خٹک کی حادثاتی موت پر سماجی رابطے کی ویب سائٹ ٹوئٹر پر صارفین کے تعزیتی تبصرے بھی کیے ہیں۔

عذرا نامی ایک صارف کہتی ہیں کہ ‘زندگی بہت غیر متوقع ہے، اللہ آپ کو جنت میں جگہ دے اور گھر والوں کو دکھ سہنے کی ہمت دے۔’

ایک صارف رانا عدنان کا کہنا تھا کہ مجھے اب بھی یقین نہیں آرہا اللہ اس کی مغفرت فرمائیں۔

خیال رہے کہ عبداللّہ خٹک کے93 ہزار سبسکرائبرز اور انسٹاگرام پر ایک لاکھ سے زائد صارفین نے فالو کیا ہوا ہے۔

تاہم عبداللہ کے انتقال کی خبر پر سوشل میڈیا صارفین اظہار افسوس کررہے ہیں۔