پشاور کے 75 سالہ محمد طارق اعوان کو پُرانے سکے، کرنسی، بندوقوں سمیت مختلف اینٹکس جمع کرنے کا شوق ہے۔

طارق اعوان نے قدیمی خنجر، انگریز زمانے کی بندوقیں، غیر ملکی کرنسی، پرانے سکے اور برتنوں سمیت کئی اشیاء اکٹھی کررکھی ہیں۔

ان کا کہنا ہے کہ وہ جس ملک اور شہر گئے وہاں کی اینٹیک دکان سے سامان خریدتے گئے ہیں۔

ان کے پاس اس زمانے کے سِکے بھی ہیں جب سِکے ہاتھوں سے بنائے جاتے تھے۔

انہوں نے تمام سِکے اور کرنسی ایلبم میں چسپا کررکھی ہے تاکہ ان کی کوالٹی خراب نا ہو پائے۔

طارق اعوان کا کہنا ہے کہ تمام اینٹیک کی قیمت اب لاکھوں میں ہے لیکن وہ کبھی ان کو نہیں بیچیں گے۔