شہریوں کے مطابق مختلف علاقوں میں 12 سے 15 گھنٹے کی لوڈ شیڈنگ کی جا رہی ہے، متاثرہ علاقوں میں اورنگی ٹاؤن، ملیر، سرجانی، لانڈھی سمیت اولڈ سٹی ایریا، جمشید روڈ، نارتھ کراچی اور اس کے اطراف کے علاقے بھی شامل ہیں۔

مکمل بلنگ والے مستثنیٰ علاقوں میں 6 سے 8 گھنٹے کے لئے بجلی بند کی جارہی ہے۔ صدر میں تاجر برادری نے کے الیکٹرک احتجاج کے دوران بِل جلا دیئے جب کہ داؤد چورنگی پر بھی بجلی کی عدم فراہمی پر مظاہرین نے سڑک بلاک کردی ہے۔

اس سے قبل ماڑی پور میں شہری بجلی کی بندش سے تنگ آکر سڑکوں پر نکل آئے جنہوں نے سڑک بلاک کردی تھی۔