سماجی رابطے کی ویب سائٹ ٹوئٹر پرایک صارف کی جانب سے ویڈیو شئیر کی گئی جس میں دیکھا جاسکتا ہے کہ بارش کے دوران یکے بعد دیگرے کئی موٹرسائیکل سوار پھسل گئے۔

بارش کی بوندیں گرنے سے سڑک پر پھسلن بڑھ جاتی ہے جس کی وجہ سے تیز رفتاری پر قابو نہ رکھا جائے، تو حادثے کا شکار ہوسکتے ہیں۔

کہاں کتنے بادل برسے؟ محکمہ موسمیات نے بتا دیا

محکمہ موسمیات کی جانب سے جاری کردہ اعداد و شمار کے مطابق سب سے زیادہ بارش نارتھ ناظم آباد میں 38 ملی میٹر کے ساتھ ریکارڈ کی گئی۔

اس کے ساتھ ہی جناح ٹرمینل میں 22 اور اولڈ ایئر پورٹ میں 15 ملی میٹر ریکارڈ کی گئی۔

محکمہ موسمیات کا کہنا ہے کہ اب تک سب سے کم بارش مسرور بیس اور اورنگی ٹاؤن میں 0.2 ملی میٹر ریکارڈ ہوئی۔

خیال رہے کہ رپورٹ کے مطابق شہر میں بارش سے قبل آندھی کے دوران چلنے والی ہوا 84 کلو میٹر فی گھنٹہ کی رفتار سے چلی تھی۔