تفصیلات کے مطابق بدھ کے روز افسوسناک حادثہ گلگت میں پیش آیا، جہاں شاہراہ قراقرم پر رحیم آباد کے مقام پر سیاحوں کی گاڑی تیزرفتاری کے باعث موڑ کاڑتے ہوئے بے قابو ہوگئی اور گہری کھائی میں جاگری۔

افسوسناک حادثے میں خاتون اور بچے سمیت 4 افراد موقع پر ہی جاں بحق ہو گئے جبکہ حادثے میں 13 افراد شدید زخمی بھی ہوئے۔

حادثے کی اطلاع ملتے ہی ریسکیو اہلکاروں اور مقامی رضاکاروں نے موقع پر پہنچ کر جاں بحق افراد اور زخمیوں کو مختلف اسپتالوں میں منتقل کیا، تمام سیاحوں کا تعلق کراچی سے بتایا گیا ہے۔