لاہور سمیت پنجاب کے مختلف شہروں میں رات گئے موسلادھاربارش نےجھل تھل ایک کردیا۔

فیصل آباد میں طوفانی بارش سے نشیبی علاقے زیرآب آگئے، شیخوپورہ، پیرمحل، لالیاں ، چنیوٹ، ننکانہ صاحب اور اوکاڑمیں بھی بارش ہوئی ، جس کے باعث گرمی کا زور ٹوٹ گیا۔

جھنگ میں طوفانی بارش کے باعث فیسکو کے 60 سے زائد فیڈر ٹرپ کرگئے۔

محکمہ موسمیات کے مطابق بارش کا سلسلہ بدھ تک جاری رہنے کا امکان ہے۔

دوسری جانب ڈیرہ بگٹی میں طوفانی بارش کے باعث مکان کی چھت گرنے سے بچے سمیت 3 افراد زخمی ہوگئے۔

پیرکوہ میں بارش سے ندی نالوں میں طغیانی آگئی، گلیاں اور سڑکوں پر پانی جمع ہونے سے شہریوں کو مشکلات کا سامنا ہے۔