وزیراعظم شہباز شریف نے جاپانی سرمایہ کاروں سے خطاب کرتے ہوئے کہا کہ 90 کی دہائی تک پاکستان میں بہت جاپانی کمپنیاں کام کررہی تھیں، پاک جاپان تعلقات کو ایک بار پھر وسعت دینے کیلئے پرعزم ہیں۔

وزیراعظم نے کہا کہ پاکستان کیلئے جاپان کا شمار بڑے ڈونر ملکوں میں ہوتا ہے، جاپان کی جانب سے 13 بلین ڈالرز کی رقم 7 دہائیوں میں دی گئی، جاپان پاکستان میں اہم منصوبوں میں معاونت کررہا ہے۔

شہبازشریف نے مزید کہا کہ جاپان پاکستان کے قریبی دوستوں میں شامل ہے، دونوں ممالک کے درمیان تجارت میں حائل رکاوٹیں دورکریں گے، پہلی جنگ کے بعد جاپان کی ترقی قابل تعریف ہے، جاپان نے سیاسی وابستگی سے بالاتر ہوکر پاکستان کی مدد کی۔

وزیراعظم شہبازشریف کا کہنا تھا کہ جاپان کے لوگوں کے کاروباری اصولوں کے معیار سے آگاہ ہوں، جاپانی قوم نے انتھک محنت اور لگن سے ترقی کی منازل طے کیں، پاکستان میں گاڑیوں کی صنعت نے ہزاروں افراد کو روزگار دیا۔