سعودی وزارت خارجہ کی جانب سے جاری بیان میں کہا گیا ہے کہ سعودی عرب پیغمبراسلام صلی اللہ علیہ وسلم کی شان میں گستاخی کرنے والے بھارتیہ جنتاپارٹی کے عہدیداروں کی شدید الفاط میں مذمت کرتا ہے۔

وزارت خارجہ نے اپنے بیان میں کہا کہ مملکت بھارتی حکومت کی جانب سے گستاخی کے مرتکب افراد کے خلاف کاروائی کے عمل کا خیرمقدم کرتا ہے۔

انہوں مزید کہا کہ بھارتیہ جنتاپارٹی اپنی حکومت کے دوران بھارتی مسلمانوں کے مذہبی حقوق سمیت ان کی شناخت اور تہذیب و تمدن کا تحفظ بھی یقینی بنائے۔

سعودی وزارت خارجہ نے کہا کہ مسلمانوں کے خلاف پرتشدد کارروائیوں کا خاتمہ ممکن بنائے۔

اس کے علاوہ پاکستان نے بھی بھارتی حکمراں جماعت (بی جے پی) کے دو سینئر رہنماؤں کی طرف سے حضور اکرم صلی اللہ علیہ وسلم کی شان میں گستاخی کرنے والے انتہائی توہین آمیز ریمارکس کی شدید مذمت کی ہے۔