عرب میڈیا کے مطابق ورلڈ ٹریڈ سینٹر کی ویب سائٹ (TradeMab) کی جانب سےجاری کردہ رپورٹ کے مطابق سعودی عرب گذشتہ سال سنہ2021 میں کھجورکی برآمدات میں دنیا میں پہلےنمبر پر آگیا ہے۔

تاہم سعودی عرب کی گزشتہ سال میں کھجور کی برآمدات کی قدر 1.215 ارب ریال تک جا پہنچی ہے۔

رپورٹ میں بتایا کہ مملکت میں کھجور کے درختوں کی تعداد 3 کروڑ 30 لاکھ ہے، جو کہ دنیا کی کل کھجور کا 27 فی صد ہے جبکہ کھجور کے زرعی ذخائر کی تعداد ایک لاکھ 23 ہزار ہے۔

اس کے علاوہ سعودی عرب میں کھجور کے قومی مرکز نے بیان میں کہا ہے کہ کھجوروں کی پیداوار اور ان کی برآمدات میں جو ہدف حاصل کیا ہے، اس کا مقصد ہے کہ تیل پر انحصار کم کیا جائے۔

تاہم وژن 2030 کے تحت وہ کجھور کی پیداوار ترقی پر اپنے توجہ کو مرکوز رکھے ہوئے ہیں۔