سکھر میں پی ٹی آئی سندھ کے سیکرٹری جنرل مبین جتوئی کی رہائش گاہ پر پریس کانفرنس کرتے ہوئے انہوں نے کہا کہ سندھ میں بلدیاتی انتخابات سے قبل گڑبڑ شروع ہوگئی ہے، پولنگ ہونے سے قبل ہی سندھ حکومت گھبرا چکی ہے اور اوچھے ہتھ کنڈوں پر اتر آئی ہے ہمارے امیدواروں کو ڈرایا دھمکایا جا رہا ہے۔

انہوں نے کہا کہ ہماری حکومت میں گندم ،چاول، گنے کی پیداوار میں اضافہ ہوا مگر امپورٹڈ حکومت کے آتے ہی معاشی حالات خراب ہوئے ہیں، جب بھی مسلم لیگ کی حکومت آتی ہے سندھ میں پانی کا مسئلہ کھڑا ہوجاتا ہے۔

علی زیدی نے کہا کہ پورے سندھ میں لوڈشیڈنگ کے باعث تباہی مچی ہوئی ہے لوڈشیڈنگ پر قابو پانا ان کے بس کی بات نہیں ہے۔

ان کا کہنا تھا کہ ہماری حکومت کے خلاف ہونے والے سارے گھن چکرکا ماسٹر مائینڈ آصف زرداری ہے شہباز شریف میں اتنی عقل نہیں ہے زرداری پیچھے سے گیم کررہا ہے۔