واقعہ تھانہ چمکنی کی حدود میں بائی پاس روڈ پر اس وقت پیش آیا جب نامعلوم حملہ آوروں نے فائرنگ کردی، جس کے نتیجے میں تھانہ شاہ پور کے ایس ایچ او شکیل خان شہید ہوگئے۔

تاہم واقعے کے بعد ملزمان موقع سے فرار ہوگئے جبکہ پولیس نے موقع پر پہنچ کر علاقے کو گھیرے میں لے لیا۔

پشاور پولیس چیف اعجاز خان کا کہنا ہے کہ 2 نامعلوم افراد نے ایس ایچ او شکیل خان کا پیچھا کیا تھا۔

انہوں نے کہا کہ ایس ایچ او نے گاڑی روکی، تو نامعلوم افراد نے گاڑی سے باہر آکر ایس ایچ او پر فائرنگ کردی جس کے نتیجے میں ایس ایچ او شکیل خان شہید ہوگئے۔

اعجاز خان نے بتایا کہ قتل میں کلاشنکوف اور نائن ایم ایم پستول کا استعمال کیا گیا جبکہ نامعلوم افراد نے سفید کار میں ایس ایچ او کا پیچھا کیا۔