ترجمان دفتر خارجہ کا کہنا ہے کہ ملاقات میں بلاول بھٹو زرداری نے ہندوستان کی جانب سے غیر قانونی طور پر مقبوضہ جموں و کشمیر میں انسانی حقوق کی سنگین خلاف ورزیوں سمیت غیر قانونی آبادیاتی تبدیلیوں کی صورتحال پر روشنی ڈالی۔

وزیر خارجہ نے اقوام متحدہ کے سیکریٹری جنرل اینٹونیو گیوٹریس سے دورانِ ملاقات جموں و کشمیر کا تنازع اقوام متحدہ کی سلامتی کونسل کی قراردادوں اور کشمیری عوام کی خواہشات کے مطابق حل کرنے جب کہ پاکستان کی خارجہ پالیسی میں کثیرالجہتی اور اقوام متحدہ کی اہمیت پر زور دیا ہے۔

اس موقع پر بلاول بھٹو کا کہنا تھا کہ پاکستان اقوام متحدہ کے چارٹر کے اصولوں پر سختی سے عمل پیرا ہے اور ہم نے ہمیشہ اصولوں کے مطابق ہی عالمی مسائل کے حل کی حمایت کی ہے۔