وزیراعظم شہبازشریف کی زیرصدارت لگژری اشیاء کی درآمد سے متعلق اجلاس ہوا، جس میں ملک کی معاشی تشویشناک صورتحال کا جائزہ لیا گیا۔

شرکاء نے معاشی مشکلات سے نمٹنے کیلئے سخت فیصلے کرنے پر اتفاق کیا جس کے نتیجے میں روپے کی بے قدری میں کمی آئے گی۔

شہباز شریف نے ملک میں زرمبادلہ کے ذخائر کے بحران سے نمٹنے کیلئے غیر ضروری اور لگژری اشیاء کی درآمد پر مکمل پابندی عائد کردی اور اس فیصلے کا فوری طور پر اطلاق ہوگا۔

وزیراعظم شہباز شریف نے کہا کہ غیر ضروری اور لگژری اشیاء کی درآمد پر قیتمی زرِ مبادلہ خرچ نہیں ہونے دیں گے ۔