ذرائع کے مطابق وزیر خزانہ کی زیر مفتاح اسماعیل کی زیر صدارت مشاورتی اجلاس منعقد ہوا جس میں دوحہ مزاکرات کے لئے تیاریوں کا جائزہ لیا گیا ہے۔ آئی ایم ایف قرض پروگرام میں ایک سال کے لئے توسیع متوقع ہے جس میں قرض کی رقم 6 ارب سے بڑھا کر 8 ارب ڈالر کیے جانے کا امکان ہے۔

واضح رہے کہ پاکستانی وفد کے آئی ایم ایف سے قرض پروگرام سے متعلق مزاکرات کا آغاز 18 مئی سے دوحہ میں ہوگا جو 25 مئی تک جاری رہیں گے۔

آئی ایم ایف نے حکومت کو پیٹرولیم مصنوعات سمیت بجلی، گیس جب کہ زرعی اور صنعتی شعبے کے لئے تمام سبسڈی ختم کرنے کا مطالبہ کر رکھا ہے، پاکستانی وفد سے مزاکرات کے لئے آئی ایم ایف کا اسٹاف مشن بھی دوحہ پہنچ رہا ہے جس کی سربراہی نیتھن پورٹر کریں گے۔