ٹوئٹر پر عامر خان نے ریٹائرمنٹ کا اعلان کرتے ہوئے کہا کہ اب میرا گلوز اتارنے کا وقت آگیا ہے۔

انہوں نے لکھا کہ خوش نصیب ہوں 27 سال پرمشتمل حیرت انگیز کیرئیر ملا ہے، سپورٹ کرنے پر اپنے اہل خانہ، دوستوں اور تمام ٹیموں کا مشکور ہوں۔

عامر خان نے کہا کہ مداحوں نے جو محبت اور سپورٹ دکھائی اس پر ان کا ممنون ہوں۔

واضح رہے کہ باکسر عامر خان 40 مقابلوں میں سے 34 فتوحات سمیٹنے میں کامیاب رہے جب کہ 6 فائٹس میں انہیں شکست کا سامنا کرنا پڑا۔