آج نیوز کے مطابق گوجرانوالہ کےعلاقے سیٹلائٹ ٹاؤن سے گذشتہ رات 7 سالہ شعیب کی لاش ملنے کے بعد پولیس کی بھاری نفری موقع پر پہنچ گئی جبکہ علاقہ مکینوں نے بھی واقعے کے خلاف احتجاج بھی کیا۔

پولیس کا کہنا ہے ممکنہ طور پربچے کو زیادتی اور تشدد کے بعد قتل کیا گیا۔

تاہم پوسٹ مارٹم رپورٹ کے بعد مزید حقائق سامنے آئیں گے، واقعے کا مقدمہ بچے کے والد کی مدعیت میں درج کر لیا گیا ہے۔

علاوہ ازیں موقع سے شواہد اکٹھے کرکے مختلف زاویوں سے تفتیش شروع کر دی گئی ہے۔