آج نیوز کے مطابق اقوام متحدہ کی سلامتی کونسل نے حملے میں ہلاک ہونے والے چینی اساتذہ کے اہلخانہ سے تعزیت کرتے ہوئے کہا کہ دہشت گردی کی ہرشکل عالمی امن کیلئے انتہائی خطرہ ہے۔

اقوام متحدہ کی سلامتی کونسل اعلامیے میں کہا گیا کہ دہشت گردی کی کوئی بھی کارروائی مجرمانہ اور بلاجواز ہے۔

مزید کہا کہ عالمی برادری دہشت گردی کے جڑ سے خاتمے کیلئے فعال تعاون کرے ،دہشت گردوں کےسرغنہ اورمالی معاونین کوقانون کے کٹہرے میں لایا جائے۔

اسی اثنا میں اقوام متحدہ میں چین کے نمائندے ژانگ جون نے کہا کہ میں اقوام متحدہ کی سلامتی کونسل کے بیان کا خیرمقدم کرتا ہوں جس میں کراچی یونیورسٹی میں 26 اپریل کے دہشت گردانہ حملے کی مذمت کی گئی ہے۔

یاد رہے کراچی یونیورسٹی میں ہوئے خودکش بم دھماکے میں 3 چینی شہریوں سمیت 4 افراد ہلاک ہوئے تھے۔