آج نیوز کے مطابق 21 رمضان المبارک کو یوم علی کی مرکزی مجلس نشتر پارک میں منعقد ہوگی جبکہ اختتام مجلس کے بعد جلوس دوپہر 1 بجے برآمد ہوگا۔

اس موقع پر ترجمان ٹریفک پولیس کا کہنا ہے کہ جلوس بروز ہفتہ دوپہر 1 بجے نشتر پارک سے شروع ہو کر شام 8 بجے حسینیہ ایرانیاں امام بارگاہ پر اختتام پذیر ہوگا۔

ترجمان نے مزید بتایا کہ جلوس نشتر پارک سے نمائش، ایم اے جناح روڈ، سی بریز سے صدر ایمرپریس مارکٹ پہنچے گا جبکہ صدر ریگل سے گزرتا ہوا جلوس تبت سینٹر پر ایک بار پھر ایم اے جناح روڈ پر آئے گا۔

واضح رہے کہ ٹریفک پلان میں شامل متبادل راستوں پر رہنمائی کے لئے ٹریفک پولیس کے اہلکار موجود ہونگے۔