اسمبلی سیکٹیریٹ کی جانب سے کل ہونے والے قومی اسمبلی اجلاس کا 5 نکاتی ایجنڈا جاری کردیا ہے جس میں ڈپٹی اسپیکر قاسم سوری کے خلاف عدم اعتماد کی تحریک پر ووٹنگ ہوگی۔

اجلاس کے ایجنڈے میں پارلیمنٹ کے نئے اسپیکر کا انتخاب بھی شامل ہے جب کہ نومنتخب اسپیکراپنے عہدے کا حلف بھی لیں گے۔

خیال رہے کہ 8 اپریل کو متحدہ اپوزیشن کی جانب سے ڈپٹی اسپیکر قاسم سوری کے خلاف بھی تحریک عدم اعتماد جمع کروائی گئی تھی۔

عدم اعتماد میں تحریر تھا کہ قاسم خان سوری نے ایوان چلاتے ہوئے بدترین مثال قائم کی لہٰذا انہیں عہدے سے ہٹایا جائے۔