سماجی رابطے کی ویب سائٹ پر معروف اداکارہ وینا ملک نے اپنے تصدیق شدہ ٹوئٹر اکاؤنٹ سے ایک تصویر شیئر کی جوکہ مکّہ میں لی گئی تھی۔

تاہم ٹوئٹ میں دیکھا جاسکتا ہے کہ ایک خاتون کے ہاتھ میں ایک پرچی ہے، جس پر عمران خان کا نام درج ہے ساتھ ہی اُن کے لیے دُعا لکھی ہوئی ہے۔

مزید براں پرچی پر درج دُعا میں لکھا گیا کہ اللّہ تعالیٰ! عمران خان اور پاکستان کی حفاظت کرے، اور بہت جلد عمران خان کو طاقت کے ساتھ واپس بھیجے۔

اس کے علاوہ وینا ملک نے تصویر شیئر کرتے ہوئے اس کے ساتھ کیپشن میں پنجابی زبان میں لکھا کہ 'عمران خان تینوں رب دیاں رکھاں'۔

خیال رہے کہ اداکارہ کی جانب سے یہ واضح نہیں کیا کہ یہ تصویر اُن کی ہے یا کسی اور خاتون کی ہے۔