ایوانِ صدر میں تقریبِ حلف برداری میں قائم مقام صدر و چیئرمین سینیٹ محمد ساجد سنجرانی نے وزیراعظم شہباز شریف سے حلف لیا ہے، تقریب کا اغاز قرانِ مجید فرقانِ حمید کی تلاوت سے ہوا جس کے بعد وزیراعظم نے حلف اٹھایا۔

صدر مملکت ڈاکٹر عارف علوی کی طبیعت ناساز ہونے پر چیئرمین سینیٹ ساجد سنجرانی نے قائم مقام صدر کی ذمہ داریاں سمبھالی ہیں۔

ذرائع کے مطابق صدر عارف علوی کی طبیعت ناساز ہوگئی ہے، طبی معائنے کے بعد ڈاکٹرز نے صدر مملکت کو کچھ دن آرام کا مشورہ دیا ہے جس کے تحت چیئرمین سینیٹ بطور قائم مقام صدر نو منتخب وزیراعظم شہباز شریف سے ایوانِ صدر میں آج حلف لیا ہے۔

اس کے علاوہ ذرائع نے بتایا کہ ایوان صدر میں تقریبِ حلف برداری کے لیے تمام تیاریاں بھی مکمل کرلی ہیں اور تقریب کا اغاز رات 9 بجے ہوگا۔