یوٹیوب پر شئیر کی گئی وڈیو میں شائستہ لودھی نے مداحوں سے عمرے کی یادیں شیئر کرتے ہوئے بتایا کہ مکہ پہنچنے پر عمرے کی ادائیگی کے بعد میرے شوہر کو غلاف کعبہ بنانے والی فیکٹری سے ایک کال موصول ہوئی۔

شائستہ لودھی نے مزید بتایا کہ یہ ایسی کال تھی جس کا مجھے 5 ،6 سالوں سے انتظار تھا۔

ان کا کہنا تھا کہ ہم اس دوران عمرے پر بھی آئے لیکن اللہ کو اس وقت یہ منظور نہ تھا لیکن آج کا دن میرے لیے ایک خوش قسمت دن ہے۔

دریں اثنا وی لاگ میں ٹی وی میزبان شائستہ لودھی کو فیکٹری میں ہاتھوں سے غلاف کعبہ کی تیاری کا شرف حاصل کرتے ہوئے دیکھا جاسکتا ہے۔

تاہم وی لاگ کے دوران انہوں نے بتایا کہ ہر سال 9 ذی الحج کو غلاف کعبہ کی تیاری عمل میں آتی ہے۔

تاہم ان کا کہنا تھا کہ احترام سے اتارے جانے والے غلاف کو محترم شخصیات سمیت تمام مسلمانوں کو بطور تحفہ دے دیا جاتا ہے۔