ذرائع کے مطابق قومی اسمبلی میں جاری اہم اجلاس کے دوران وزیراعظم عمران خان نے آج رات 9 بجے وفاقی کابینہ کا خصوصی اجلاس بھی طلب کرلیا ہے جس میں موجودہ سیاسی صورتحال کے متعلق اہم فیصلے متوقع ہیں۔

ذرائع نے بتایا کہ ایوان میں تحریک عدم اعتماد پر ووٹنگ مزید مؤخر کا شکار ہوسکتی ہے تاہم اس سے قبل ووٹنگ رات 8 بجے کرانے کی اطلاعات موصول ہوئی تھی۔

خیال رہے کہ سیاسی بحران پر ازخود نوٹس پر اپنے حکم میں سپریم کورٹ نے قومی اسمبلی کو بحال کرتے ہوئے ڈپٹی اسپیکر کا 3 اپریل کو جاری کیا گیا حکم نامہ کالعدم، ایوان کی تحلیل کو غیر قانونی اور آئین کے خلاف قرار دیا تھا جس کے تحت عدلیہ نے قومی اسمبلی میں جاری آج کے اجلاس میں عدم اعتماد کی قرارداد پر ووٹنگ کا حکم دیا تھا۔