بھارتی اداکارہ سوارا بھاسکر نے سپریم کورٹ کے فیصلے کےبعد قومی اسمبلی کی بحالی اور ڈپٹی اسپیکر کے فیصلے کو کالعدم قرار دینے سے متعلق عدالت کے فیصلے کو سراہتے ہوئے اپنا پیٖغام دیا۔

سماجی رابطے کی ویب سائٹ ٹوئٹر پر بھارتی اداکارہ نے لکھا کہ "ایسا لگتا ہے کہ پاکستان کی سپریم کورٹ اپنے ملک اور شہریوں کے لیے کھڑی ہے، نہ کہ اپنی حکومت کے لیے"۔

تاہم پاکستان کی سیاسی صوتحال کے پیش نظر سوارا بھاسکر کی یہ ٹوئیٹ سوشل میڈیا پر وائرل ہوگئی۔

یاد رہے کہ سپریم کورٹ نے جمعرات کو نے اپنے فیصلے میں وزیراعظم عمران خان کے خلاف تحریک عدم اعتماد کو مسترد کرنے کے ڈپٹی اسپیکر کے فیصلے کو غیر آئینی قرار دیا تھا۔

تاہم عدالت نے اپنے قومی اسمبلی کو بحال کرنے کا حکم دیا تھا۔