سماجی رابطے کی ویب سائٹ ٹوئٹر پر سابق فاسٹ بولر وقار یونس نے اپنی ٹوئٹ میں عمران خان کی تصویر شیئر کی جس پر درج تھا کہ 'میں یہ گیم کھیلنے نہیں بلکہ گیم کو تبدیل کرنے آیا تھا۔

انہوں نے لکھا کہ کپتان ہمیں ہمیشہ کی طرح آپ پر فخر ہے، آپ نے کیا ماسٹر اسٹروک کھیلا ہے۔

وقار یونس نے مزید کہا کہ عمران خان نے اپوزیشن کی جانب سے جمع کرائی گئی تحریک عدم اعتماد کو تباہ کردیا۔

خیال رہے کہ وزیر اعظم عمران خان کے خلاف گزشتہ روز تحریک عدم اعتماد پر ووٹنگ ہونی تھی لیکن ڈپٹی اسپیکر قومی اسمبلی قاسم سوری نے تحریک کو آئین کے خلاف قرار دے کر مسترد کردی تھی۔

یاد رہے کہ زیراعظم کی تجویز پر صدر نے قومی اسمبلی تحلیل کردی۔