آج نیوز کے مطابق قائد حزب اختلاف شہبازشریف نے وفاقی سیکرٹری داخلہ کو سیکیورٹی کیلئے خط لکھ دیا۔

خط میں کہاکہ تمام ارکان قومی اسمبلی کو تحفظ فراہم کرنا حکومت کی آئینی و قانونی ذمہ داری ہے، اجلاس میں شرکت کیلئے اراکین قومی اسمبلی کی سیکیورٹی کو یقینی بنایا جائے۔

شہبازشریف نےخط میں وزیراعظم کے ووٹنگ والے روز ایک لاکھ پی ٹی آئی ورکرز کے بیان کا حوالہ دیا اور کہا کہ عوامی اجتماع اشتعال کو ہوا دے گا جبکہ ریڈ زون میں عوامی اجتماع پردفعہ144 نافذ ہے۔

اٹارنی جنرل نے سپریم کورٹ میں یقین دہانی بھی کروائی، امن وامان کا قیام اسلام آباد انتظامیہ اور پولیس کی ذمہ داری ہے۔

تاہم خط کی کاپی چیف کمشنر اور آئی جی پولیس اسلام آباد کوبھی بھیجی دی گئی ہے۔